Curso de Veran da Universidade de Santiago de Compostela 2009, 14-17 Xullo

Benvido a XCARFOS 2009

09 Maio 2009
Posted by tecedor

É un pracer convidarte a participar nesta segunda edición das Xornadas de Control Automático e Robótico con Ferramentas Open Source.

Esta segunda edición constrúese sobre o éxito que tivo o Obradoiro de Robótica organizado na XGN 2008; as primeiras Xornadas de Control Automático e Ferramentas Open Source organizadas durante o verán do 2007; e no recente éxito do Obradorio de Robótica organizado na última édición da XGN'09.

A esta segunda edición queremos darlle un carácter máis oficial, e é por iso que decidimos organizala como un curso de verán, grazas ao apoio da Vicerreitoría de Cultura da Universidade de Santiago de Compostela. As xornadas consistirán en un 33% de exposición teórica, un 25% de exposición interactiva e un 42% de prácticas sobre hardware.

Ler máis ...
 

Matrícula

Prazo de matrícula

Ábrese o prazo:

  • En liña por internet, a partir de 25 de maio
  • Presencial, a partir de 15 de xuño

Acaba o prazo: 3 de xullo

Número de prazas: 50 prazas, por orde de inscripción

Non será posible matricularse fóra destes prazos.

Formalización da matrícula

A matrícula poderá formalizarse de tres maneiras:

  1. Por internet

    A persoa interesada premerá a ligazón "MATRICÚLATE" e seguirá as instrucións.

  2. Presencial

    A persoa interesada dirixirase a un dos dous centros de matriculación de Cursos de Verán. Logo de comprobar se hai prazas no curso ou cursos nos que se quere matricular e de formalizar os seus datos persoais, daráselle unha folla de liquidación con dous impresos (unha para o interesado e outra para a entidade bancaria) para realizar o pago da taxa en calquera oficina de Caixa Galicia. No momento en que se efectúe o pago, a matrícula quedará automaticamente activada. Se se trata dun curso con límite de prazas, terá tres días hábiles para realizar o pago e remitir resgardo do pagamento ao fax nº 981 585255; en caso contrario a preinscrición quedará anulada.

    Documentación que hai que presentar:

    • Membros da comunidade universitaria da USC (estudantes, profesores ou PAS): nº de DNI
    • Estudantes doutras universidades: orixinal ou fotocopia da folla de liquidación de taxas de matrícula no curso 2008-09 ou da de exención de taxas, da credencial de bolseiro de investigación ou do certificado do departamento de estar a realizar un mínimo de 20 horas semanais de traballo de investigación
    • Persoas en paro: orixinal ou fotocopia do cartón de desemprego
  3. Por correo ordinario

    No caso de imposibilidade de formalizar a matrícula en persoa ou por internet, poderase facer por correo. Para isto, é preciso poñerse en contacto telefónico cunha das dúas secretarías de Cursos de Verán, onde se lle informará do procedemento a seguir.

Ler máis ...